Raġuni oħra biex ma nersaqx iktar lejn art twelidi.....
Wara l-blog tad-D.
Il-jazz festival kien ifisser ħafna għalija. Ma tliftx jazz festival wieħed dawn l-aħħar ħmistax il-sena. Bdiet bħala sempliċi kurżita' fil-bidu. Ma kontx naf x'inhu jazz dak iż-żmien. Kienet kreatura stramba li kont qed nipprova nsib tarf tagħha.
U bdejt ninteressa ruħi. Bdejt nixtri d-diski. Bdejt nistudjaha din il-mużika. Billi ġewwa Malta l-unika opportunita' li nisimgħu jazz tajjeb kienet dak it-tielet weekend ta' Lulju f'Ta' Liesse, il-jazz festival kien sar importanti ħafna għalija. Fil-bidu ta' Frar kont immur inħabbat fl-uffiċju ta' l-organizzatur biex inkun naf min hu ġej Lulju li ġej.
Meta ddeċidejt li nsir mużiċist, kien minħabba l-jazz festival. Għadni niftakar l-enerġija li kien ikolli wara dak il-weekend. Dik is-sensazzjoni għadni nfittixha sa llum.
Meta daqqejt l-ewwel darba quddiem ħafna nies kelli tmintax il-sena. Kont eċitat ħafna għax kien il-palk tal-jazz festival. U dak iż-żmien kont għadni qed niskopri l-jazz. Kont intimidat ħafna li ħa ndoqq qabel Joe Lovano.
Meta ddeċidejt li nitlaq minn Malta, kien ukoll konsekwenza tal-jazz festival. Xtaqt li nkun f'post fejn stajt nitħallat ma' dawk il-mużiċisti li kont nara fuq il-palk f'Ta' Liesse. U jekk illum ninsab kuntent b'dak li għamilt dawn l-aħħar tmien snin ġewwa Franza, ma nistghax ma nirringrazzjax lill-jazz festival u lil Charles Gatt.
U meta, bil-kwartett li kelli hawnhekk ġewwa Pariġi, ġejt mistieden biex indoqq fil-Jazz Festival daqs tliet snin ilu, għalija kien unur kbir. Kien wisq iktar importanti għalija minn kull palk prestiġjuż li daqqejt fih hawnhekk Pariġi.
Meta kienu jiktbu xi ittra fuq it-Times kontra l-Jazz Festival, jien kont l-ewwel wieħed li kien jirrispondi. Kont sirt militanti ħafna dwar il-festival, għax kont veru kburi bih.
Meta kont niġi kull sajf u kont ngħallem għal xi ftit ġimgħat kont ninduna li l-jazz festival kien qanqal ħafna nteress qalb iż-żagħżagħ. Kienu ħafna li jċempluli biex jieħdu xi lezzjonijiet fil-jazz għax kienet ħakmithom dik ikl-kurżita' li kelli jien xi ħmistax il-sena ilu. U jien kont nitbissem.
U meta kont smajt bl-aħbar daqs xahrejn ilu fil-bidu kont kważi ħadtha biċ-ċajt. Imma meta saret uffiċjali, u meta rajt l-aħħar kumment li ħallewli fil-blog ta' qabel, qabadni ħafna dwejjaq.
-----------------
Il-jazz festival kien ifisser ħafna għalija.
U qed nitkellem fil-passat għax il-jazz festival M'GĦADUX.
Għax xi ħadd iddeċieda li m'aħniex qed nagħmlu biżżejjed qliegħ mil-jazz festival.
Għax xi ħadd ma fehem XEJN dwar xi tfisser kultura u edukazzjoni. U li l-edukazzjoni hija investiment. U li l-kultura m'għandha x'taqsam xejn ma' PROFITT.
Għax dak ix-xi ħadd ma fehemx li hu SUPPOST qed jgħin lill-kultura. U li l-MASSA u l-KULTURA mhux neċessarjament ikunu dejjem ħbieb.
U xogħlu HU li jqarribhom.
U ma fehemx li l-jazz ma tagħmilx qliegħ minnu.
U jekk trid tagħmel ħafna qliegħ WAQQFU mill-ewwel.
IMMA JEKK JOGĦĠBOK, jekk ħa tagħtih f'idejn xi ħadd li r-riferenzi tiegħu huma Elton John - issemihx iktar "JAZZ FESTIVAL".
------------------
Nostalġija apparti.....dal-pajjiż veru bla tama.
posted by Sandro Zerafa @ 3:28 PM
12 Comments:
You said you knew of something going on 2 months ago, how come no-one else is outrgaed including ic City himself? ' Or was it just taken off his hands hekk there and then? What are YOU going to do about the festival that started it all off for you? It was hard to expect ic-city to do it forever, how come he did not pass it on to other capable Jazz enthusiasts? Just want to know the backstory to this thats all...
The festival was taken off his hands by people who think that the Malta Jazz Festival should follow the lines of Montreux or Nice. In a country where people are not at all exposed to jazz (no jazz clubs, no jazz concert season, non existent jazz scene), the role the Jazz Festival played was unique and essential. France or Switzerland can afford to have festivals like Nice and Montreux (who accomodate pop non-jazz acts - and i don't want this to sound pejorative), because they have hundreds of other jazz festivals throughout the year, a good jazz circuit and a very healthy dynamic scene.
And, yes, the saddest thing is that the festival was taken off City's hands. The pressure from "above" to compromise with a large audience appeal must have been going on for a while. I know he's not the type to compromise in artistic matters.
perhaps john zorn should not have said 'fuck you' to the audience :(
Well, as you know Sandro, ic-City and I have not always seen eye to eye but I think it is pretty disgraceful that the old dog has been treated like this. Amongst all the initatiatives and schemes in Malta that have floundered, he has managed to keep the festival going over the years. Has he not at least been kicked upstairs and kept in a consultative role? It is amazing that the Nationalist government, which has always hypocritically harped on about attracting a better class of tourist, has now done something which smacks of trying to appeal to populist tastes.
Having said that, City is old and could not go on forever anyway. Give the new people a chance. They may not know a lot about the music but that doesn't mean they can't do the job. After all, they have already booked Renzo Spiteri!!!!
Emminni digger inbati biex nara comic relief f`din l-affari kollha.
ma ntikx tord sandro
Tord? Gejjin it-Tord Gustavson Trio, jew?
illallu joe lovano kien gie Malta???
Joe Lovano gie hafna drabi Malta. Nahseb l ewwel darba kienet ma John Scofield.
qed nara.. anke michael brecker kien gie malta.. u issa qed imut..
qed jaghmlu s sit il gdid
http://www.maltajazzfestival.com/
for those jazz lovers out there, you can listen to MIKE DEL FERRO at st. james cavalier on saturday and sunday - two separate programmes on the 25th and 26th of february.....
Even Mike in Malta was a result of the jazz festival when he played with city and coco york - HOW DO WE MANAGE TO SABOTAGE ABSOLUTELY EVERYTHING!!
.
Post a Comment
<< Home